T.E.A.J.

Bonvenon al T.E.A.J. !

Tutmonda Esperanto-Asocio Junulara

Karaj legantoj,

Bonvenon al la retpaĝoj de T.E.A.J., Tutmonda Esperanto-Asocio Junulara, la unua organizaĵo por tutmonde unuigi la Esperanto-junularon! La paĝo estas destinata anstataŭi al niaj membroj la neaperintan jarlibron 1924 (kaj same la neaperintajn jarlibrojn de ĉ. 1930 ĝis 1998), al la aliaj, junaj Esperantistoj, lernantoj, studentoj, skoltoj ĝi anstataŭu aliajn, multekolorajn retpaĝojn kaj estu fidela akompananto kaj konsilanto ĉie.

Pro kelkaj, ne antaŭviditaj cirkonstancoj, la aŭtoro de tiuj ĉi retpaĝoj fakte ne havis eblecon persone kontakti la prezidanton de T.E.A.J., s-on Rudolf Pivl, Trautenaŭ, Ĉeĥosl., nek la sekretarion, s-on Alfred Neupert, Leipzig-Möckern, Germ., kaj devis prepari tiun ĉi paĝon sen ilia eksplicita konsento. Li esperas tamen ke ili ne kontraŭus tiun ĉi iniciaton plukonatigi nian organizaĵon per pli modernaj komunikiloj. Li ankaŭ pardonpetas al la legantoj, ke, pro la samaj cirkonstancoj, li estis devigata ĉerpi siajn informojn ekskluzive el la verko "Poŝkalendareto por Junaj Esperantistoj", 1925, kaj tial eble tiu aŭ jena informaĵo donita en tiu ĉi paĝo ne spegulas la plej aktualan staton pri nia organizaĵo.

Esperante ke vi junuloj ĝoje salutos la aperon de mia verketo premas al vi samideane la manon

La retpaĝa aŭtoro.

Göteborg-Gotenburgo, en Novembro 1998.

Ĝeneralaj informoj:

Tutmonda Esperanto-Asocio Junulara.
Fondo:
1920.
Celo:
Grupigas ĉiujn gejunulojn por antaŭenpuŝo de Esperanto inter la gejunularo; interrilatigas siajn anojn per helpo de adresaroj; havas delegitojn en multaj landoj.
Stato:
1300 membroj.
Gazeto:
Esperantista Junularo.
Estraro:
Prez: Rudolf Pivl, Trautenau, Pragerstr. 16, Ĉeĥosl.;
Sekr.: A. Neupert, Leipzig-Mö., Wedellstr. 17, Germ.

Celo de T.E.A.J.

El la Regularo de T.E.A.J. (akceptita dum la ĝenerala kunsido de T.E.A.J. okze de la XVI-a Universala kongreso de Esperanto, en Wien, la 8-an de Aŭgusto 1924)

1. Celo:

Koncentrigo de junulaj kaj porjunulaj fortoj por
  1. servi al la Esperanto-junularo, ne diferencante pro raso, nacieco, religio aŭ lingvo;
  2. antaŭenigi la Esperanto-movadon inter la tutmonda junularo;
  3. kreskigi inter ĝiaj membroj fortikan senton de solidareco kaj disvolvigi ĉe ili la komprenon kaj estimon por fremdaj popoloj.

Estraro de T.E.A.J.

Prezidanto:
s-o Rudolf Pivl, Pragerstr. 16, Trautenau, Ĉeĥoslov.
Vicprezidanto:
s-o Andreo Rácz, Erzsebet u. 8, Hungar.
Administranto:
s-o Alfred Neupert, Wedellstr. 17, Leipzig-Möckern (Adreso de la Centra Oficejo de T.E.A.J.)
1-a komitatano:
s-o Max Ullmann, Wagnergasse 9/18, Wien IX, Aŭstr.
2-a komitatano:
s-o Csáder Sandor, Romer Flóris u. 8d, Bratislava, Ĉeĥoslov.

El la historio de T.E.A.J.

bildo: Poshkalendareto de T.E.A.J. 1925, pp. 64-65

bildo: Poshkalendareto de T.E.A.J. 1925, pp. 66-67

Abonilo por "Esperantista Junularo"

bildo: Abonilo

Dorsflanke multobligita(?) manskribaĵo:

bildo: Abonilo, dorsflanke

Estimata Samideano:

Ĉu vi estas preta fariĝi agento de E.J.
kaj delegito de T.E.A.J.? Landaj agentoj
aj ĉefdelegitoj ricevas 25% (aliaj
agentoj kaj delegitoj minimume 10%)
da rabato. E.J. aperos en 1926 monate
kiel organo de multaj gravaj inter-
naciaj organizaĵoj.

Kun samideanaj salutoj

Novembro 1925. - A. Neupert

Administr. de E.J. kaj T.E.A.J.

PS. Lastminuta aldono! Laŭ informoj en "Esperanto en Perspektivo" ŝajnas ke "Esperantista Junularo" ĉesis aperi en 1929, kun kelkaj, ĝis nun sensukcesaj, provoj ĝin revigligi. Ni devas do averti vin ke via abonpeto eventuale restos sen la atendita efiko ĝis la venonta sukcesa klopodo revivigi ĝin.

La retpaĝa aŭtoro.

Poŝkalendareto por Junaj Esperantistoj

Kovrilo

bildo: Poshkalendareto de T.E.A.J. 1925, kovrilo

Frontpaĝo

bildo: Poshkalendareto de T.E.A.J. 1925, frontpagxo

Antaŭparolo

bildo: Poshkalendareto de T.E.A.J. 1925, antauparolo

Ni deziras al niaj legantoj agrablan jarŝanĝon 1925. En la okazo ke vi eble hazarde jam maltrafis tiun, ni deziras agrablegan jarmilŝanĝon 2000.

La retpaĝa aŭtoro,
Martin Weichert

Latin-3 nun! mw
Tio ĉi estas http://www.cs.chalmers.se/~martinw/esperanto/teaj/.
NE kopiu ĉi tiun paĝon! Sed hiperligoj al ĝi estas bonvenaj.
Last modified: Sun Nov 23 13:34:11 MET 1924