Universala Esperanto-Asocio

en konsultaj rilatoj kun UN kaj Unesko

    Centra Oficejo de UEA
    Nieuwe Binnenweg 176
    NL-3015 BJ Rotterdam, Nederlando
    telefono:  +31-10-436 10 44 / 436 15 39
    telefakso: +31-10-436 17 51
    telekso:   23721 uea nl
    retposxto: <uea@inter.nl.net>

NOTU! Ekzistas ankaù la oficiala TTT-pagx(ar)o de UEA en Nederlando.

Bazaj informoj

UEA fondigxis la 28-an de aprilo 1908. Gxi celas, laù la statuto de 1980:

disvastigi la uzadon de la internacia lingvo Esperanto;
agadi por la solvo de la lingva problemo en internaciaj rilatoj kaj faciligi la internacian komunikadon;
plifaciligi la cxiuspecajn spiritajn kaj materiajn rilatojn inter la homoj, malgraù diferencoj de nacieco, raso, sekso, religio, politiko aù lingvo;
kreskigi inter siaj membroj fortikan senton de solidaro, kaj disvolvi cxe ili la komprenon kaj estimon por aliaj popoloj.

UEA havas aligitajn kaj individuajn membrojn. La aligitaj membroj estas tiuj membroj de aligxintaj Landaj Asocioj de UEA, kiuj ne estas individuaj membroj de UEA. Por la aligitaj membroj la Landa Asocio pagas kotizon. La individuaj membroj de UEA pagas jaran kotizon. En 1994 UEA havis 7027 individuajn membrojn en 120 landoj.

Landaj kaj fakaj asocioj

La strukturo de UEA entenas ankaù landajn Esperanto-asociojn kaj fakajn asociojn. Detalaj informoj aperas en la koncernaj sekcioj de la Jarlibro.

Junulara Sekcio (TEJO)

Tutmonda Esperantista Junulara Organizo (TEJO) estas la Junulara Sekcio de UEA.

Eldonajxoj

Esperanto: estas la monata oficiala organo de UEA. Gxi entenas raportojn pri okazintajxoj, artikolojn pri la movado kaj rilataj temoj, recenzojn, kaj utilajn informojn por movadaj aktivuloj.
Jarlibro: estas manlibro pri la Esperanto-movado.
Gvidlibro: estas depresajxo el la unua parto de la Jarlibro sen la Delegita Reto.
Esperanto-dokumentoj: funde analizas elektitajn movadajn temojn; ili aperas en Esperanto, la franca kaj la angla.
Lingvaj problemoj kaj lingvo-planado: traktas la lingvoproblemojn, el vidpunktoj sociologia, politika, ekonomia, lingvistika ktp.
Kontakto: estas revuo kuneldonata de UEA kaj ties junulara sekcio TEJO. Gxi enhavas artikolojn pri gxeneralaj temoj, kaj direktigxas precipe al gejunuloj kaj al novaj uzantoj de la lingvo.

Laùokaze UEA eldonas konsilarojn pri agado, informilojn pri diversaj temoj, librokatalogojn ktp. Krome, UEA estas eldonanto de libroj.

Kongresoj kaj konferencoj

Cxiujare UEA organizas Universalan Kongreson. Kutime aligxas pli ol 2 000 personoj. Samtempe kun la UK okazas Internacia Infana Kongreseto, sed ne cxiujare.

Listo de cxiuj Universalaj Kongresoj gxis nun.

Informado

En la Centra Oficejo funkcias Informa Fako, kiu aperigas la bultenon Influo por landaj kaj lokaj inform-aktivuloj kaj gazetarajn komunikojn pri grava movada evento aù evoluo.

Eksteraj rilatoj

Aparta oficejo en Novjorko prizorgas la kontaktojn de UEA kun Unuigxintaj Nacioj, kaj ties instancoj (vd. la cxapitron Novjorka Oficejo de UEA). UEA reprezentigxas en multaj kunvenoj de UN, kaj flegas kontaktojn kun la landaj UN-misioj. En 1987 UN distingis UEA per la diplomo Heroldo de Paco.

Kun Unesko, la Organizo de UN pri Edukado, Scienco kaj Kulturo, UEA havas formalan ligon en kategorio B, informaj kaj konsultaj rilatoj. UEA reprezentigxas en konferencoj kaj laborkunsidoj de Unesko, kaj estas ofte petata doni konsilojn aù kunlabori pri komune interesaj demandoj.

UEA havas konsultajn rilatojn ankaù kun UNICEF kaj Konsilio de Eùropo. Gxi havas gxeneralajn kunlaborajn rilatojn kun Organizo de Amerikaj Sxtatoj, kaj aktivas por informado cxe Eùropa Unio, Monda Federacio de Asocioj pri UN, Monda Organizo pri Turismo, kaj laùokaze cxe aliaj intersxtataj kaj internaciaj organizoj kaj konferencoj.

Kulturo kaj edukado

UEA funkciigas diversajn agadojn, kiuj celas altigi la lingvan nivelon kaj kontribui al internacia kultura intersxangxo: belartaj konkursoj, internaciaj ekzamenoj, kongresa universitato, seminarioj, koresponda servo kaj aliaj servoj, kongresaj programoj kaj eldonajxoj.

Delegita Reto

Pli ol 2100 delegitoj, en 86 landoj, proponas personajn servojn de multaj diversaj specoj: turisma informado, helpo dum vojagxoj, respondoj al fakaj demandoj, konsiloj pri teknikaj problemoj ktp. Kvardeko da cxefdelegitoj kaj perantoj helpas en la kunordigo de la delegitaro.

Enretigita la 95 aùg 25 de:

Martin WEICHERT <martinw@cs.chalmers.se>